وەزیری خەزێنەداریی ئەمریکا بە دووبارەکردنەوەی وتەکانی دۆناڵد ترامپ جەختی کردەوە کە ڕێژەیەکی زۆری داراییە بلۆکەکراوەکانی ئێران بۆ کڕینی ماددەی خۆراکی و دەرمانی لە ئەمریکا بەکار دەهێندرێت تەنانەت ئەگەر بەرپرسانی ئەو وڵاتە بڵێن کە خۆیان شوێنی خەرجکردنی پارەکان دیاری دەکەن.
سکات بێسێنت بە کاناڵی "سیئێنبیسی" ڕاگەیاند کە وەزارەتی دارایی ویلایەتە یەکگرتووەکان دامەزراوەیەکی جێبەجێکاری لە دۆحە دەبێت بۆ چاوەدێریکردنی ئەو پارانە.
دۆناڵد ترامپ ڕایگەیاندووە بەشێک لە پارەکانی ئێران بۆ کڕینی گەنمەشامی، گەنم، سۆیا و بەرهەمەکانی دیکە لە جووتیاران و ئاژەڵدارانی خۆمان ئازاد دەکەین بە وتەی ترامپ ئێران پێویستی بە ماددەی خۆراکی هەیە و ئێمە ئەو ماددە خۆراکیانە بە تایبەتی لە ئەمریکا بۆیان دەکڕین.
ئەو وتانەی ترامپ و بێسێنت لە کاتێکدایە کە ڕێژیمی ئێران تا ئێستا کڕینی بەرهەمە کشتوکاڵییەکان و دەرمانی لە ئەمریکا ڕەت کردووەتەوە.
