بەپێی نوێترین نرخی دیاریکراوی نان لەلایەن کارگرووپی ژووری ئەسنافی ئارد و نان، لە پارێزگای تاران بە شێوەی فەرمی نرخی هەموو جۆرەکانی نان ١٠٠ لەسەد گران بووە و خەڵک چیتر وەک پێشتر توانای کڕینی نان وەک سەرەکییترین خۆراکیی سەر سفرەیان نەماوە.
بەپێی ئەو ڕاگەیاندراوە فەرمییە، لە ئێستا بەدواوە لە پارێزگای تاران نرخی نانی لەواش ٢ هەزار و ٧٠٠ تمەن، نانی بەڕبەڕی ١٠ هەزار تمەن و نانی سەنگەک بە ١٥ هەزار و ٥٠٠ تمەن دەبێت.
پێشتر نرخی نانی لەواش هەزار و ٤٠٠ تمەن، بەڕبەڕی ٥ هەزار و ٣٠٠ تمەن و سەنگەک ٧ هەزار و ٤٠٠ تمەن بووە.
محەممەدجەواد کەرەمی ئەندامی کارگرووپی ژووری ئەسنافی ئارد و نان گرانیی نانی بەو ڕادەیەی بۆ گرانیی ٦ لەسەدیی نرخی ئارد، چوونەسەرەوەی حەقدەست، چوونەسەرەوەی نرخی کارەبا و کرێ دووکان گەڕاندووەتەوە.
پێشتریش نرخی نان کە پارێزگای ورمێ ٧٠ بۆ ١٠٠ لەسەد بەرزبوونەوەی بە خۆیەوە بینیبوو.
لە پێڕستی خۆراکیی خەڵکی کوردستان و ئێراندا، نان بە خواردنی سەرەکی لەقەڵەم دەدرێت و گرانبوونی توانای کڕینی خەڵکی کەمداهات کەمتر دەکاتەوە و بەو شێوەیە هەژاریی خۆراکی ژیانی خەڵکی کوردستان و ئێران دەخاتە مەترسییەوە.
