شیرکەتی "کێپلێر" ڕایگەیاند هەناردەی ڕۆژانەی نەوتی وڵاتانی عەرەبی لە مانگی سێپتامبردا بۆ لانیکەم ١٦.٥ میلیۆن بەرمیل بەرز بووەتەوە؛ ئاستێک کە بەبێ ڕەچاوکردنی ئێران، لەگەڵ ڕێژەی پێش شەڕ یەکسانە.
داتاکان نیشانی دەدەن هەناردەی دەریایی بە تەواوی بووژاوەتەوە؛ بەجۆرێک بەهۆی کەڵکوەرگرتنی ئێمارات و عەرەبستان لە هێڵە لوولەییە جێگرەوەکان، تێپەڕبوونی نەوت لە ڕێگەکانی دەرەوەی گەرووی هۆرمۆز لە ١٧٪وە بۆ ٤٠٪ زیادی کردووە.
لە بەرانبەردا، هەناردەی نەوتی ئێران بەهۆی گەمارۆی دەریایی ئەمریکاوە لە نیوەی مانگی ژوئییەوە بە تەواوی پەکی کەوتووە.
بەپێی شیکارییەکانی کێپلێر، کۆگای سەرئاوکەوتووی نەوتی ئێران لە دەرەوەی هێڵی گەمارۆکە بڕاوە و تەنیا کەمتر لە ۱۵ میلیۆن بەرمیل نەوتی فرۆشراو بە چین ماوەتەوە.
بەپێی دواکەوتنی دوو تا سێ مانگەی پەرەپێدانی دارایی لەلایەن پاڵاوگە چینییەکانەوە، چاوەڕوان دەکرێت داهاتی نەوتی ئێران لە دوو مانگی داهاتوودا بەیەکجاری ببێتە سفر.
ئەمە لەکاتێکدایە کە ساڵی ڕابردوو هەناردەی نەوت ٥٥٪ی تەواوی هەناردەی ئێرانی پێک دەهێنا.
ناوەندی ئاماری ئێران ئاماژەی بەوە کردووە کە بەهای زیادکراوی بەشی دەرهێنانی نەوت و گاز لە بەهاری ئەمساڵدا ٢٦.٤٪ داڕماوە؛ داڕمانێک کە گورزێکی کوشندە لە ئابووریی تاران دەدات.
